segunda-feira, 3 de agosto de 2015

TAUR REJEITA MANDA KARTA BA MM

.
Hmmmmm...
Timor Post- 03 de agosto de 2015

LACLO—Prezidente Repúblika (PR), Taur Matan Ruak rejeita manda karta ba Prezidente Konsellu Revolusaun Maubere (KRM), Paulino Gama Mauk Moruk no nia familia sobre dialogu.

“Ha’u la-manda karta ba nia, ha’u hatete ba nia, L-7, ba públiku iha fatin-fatin katak nia tenki maim, tanba nia laiha dalan seluk, nia tenki mai, tanba nia tenki responde ba justisa,”PR Taur hatete ba jornalista sira hafoin dialogu komunitaria ho komunidade iha suku Iliheu, postu administrativu Laclo, munisipiu Mantutu, Kinta, (30/7).

Xefi Estadu hatutan, MM tenki intrega-án, tanba nudar PR lakohi ema seluk halo, depois todan ba hotu MM. Nia afirma, atu hatene loloos todan ne’ebé mak MM halo hasoru instituisaun estadu ou kontra lei, tenki liu-hosi dalan jutisa tanba justisa ne’e hanesan forma ida di’ak para aprejenta-án.

Oportunidade ne’e, Matan Ruak husu ba populasaun sira iha postu administrasaun Laga, munisipiu Baucau nian, li-liu populasaun sira ne’ebé mak hela iha foho, labele subar MM.

“Ha’u mós aproveita apela ba populasaun sira iha Laga, liu-liu sira ne’ebé iha foho ke subar Mauk para sira intrega, sira apoia ajuda Mauk tun mai,”PR Taur husu.

PR hatutan tan, Timor-Leste nasaun demokratika iha dalan ba sidadaun hotu kontribui, maske diferensia ideias.

Taur mós afirma tan, laiha ona dalan ba dialogu. “Dialogu dala hira mak ami hein nia, nia la-mosu, tanba ne’e nia mai ba uluk justisa”.

Eis gerilleiru ne’e preokupa ba problema infra-estrutura, edukasaun, saúde, joven sira servisu laiha, faluk no oan ki’ak sira uma laiha ne’e mak preokupasaun estadu nian. Mais la-preokupa buat ne’ebé liu ona.

Xefe Estadu dehan, Empeñamentu Operasaun Conjunta (EOC) ne’e xefe estadu orienta labele tiru mate MM.

Durante dialogu komunitaria ho suku balun iha munisipiu Lautem, Baucau no Manatutu populasaun preokupa liu kona-ba kazu MM, tanba to’o oras ne’e EOC seidauk kaptura MM.
.

Sem comentários:

Publicar um comentário

Nota: só um membro deste blogue pode publicar um comentário.