quarta-feira, 23 de setembro de 2015

Bele halo revizaun, labele halakon PV

.

Jornal Nacional Diário - 23 de setembro de 2015

Segundu vice prezidente Parlamentu Nasional, Adriano do Nascimento deklara katak, bele halo revizaun ba lei Pensaun Vitalisia (PV), maibe labele halakon lei refere.

Atu halo revizaun ba lei pensaun vitalisia ne’e bankada PD hatama ona projetu lei ne’e atu redus, laos ho intensaun atu halakon PV.

“Sim bankada PD hatama ona, prinsipiu maka ne’e, laos atu halakon, atu redus. Maske iha ejijensia barak, maibe iha ami nia projetu lei ne’e atu redus. Mais buat ne’e laos regula deit ba deputadu maibe orgaun soberanu hotu-hotu, ne’ebe persiza konsensus iha Parlamentu ne’e ita hotu bankada hat ne’e tur hamutuk para diskute hamutuk,” deklara segundu vice PN, Adriano do Nascimento liu husi plenaria Tersa (22/9) horseik.

Nia hatutan, labele fo sala ba primeiru lejislatura ne’ebe maka aprova lei ne’ebe refere, tanba lei ne’e rasik iha ninia sentidu.

Entretantu membru PN kontinua deklara hakarak atu halo revizaun ba pensaun vitalisia, maske nune’e meja PN sei kontinua nonok deit (no coment-red) ba asuntu ne’e.

Entretantu deputada Benvinda Catarina husi bankada Frente-Mudança deklara, uluk iha primeira lejislatura mak produs no aprova pensaun vitalisia ne’e, maibe labele fo sala, tanba iha momentu ne’e iha asesor legal fo apoiu ba deputadu sira no sira haree diak mak aprova nune’e bankada Frenti-Mudanca la tau sala ba primeiru lejislatura.

“Iha segundu lejislatura ita mos hatama projetu de lei, Hau mos sai proponenti mas ita la to’o atu diskute lei ne’e ita kaduka, mas Hau haree PD hatama tiha ona sira nia projetu de lei e karik bankada FRETILIN iha ona bele hatama ona para ita bele diskute iha tempu”hateten deputada bankada Frenti-Mudança, Benvinda Catarina.

Nia parte husu ba PN atu ajenda lei refere hodi bele diskute iha tempu badak nia laran hadia artigu balu ne’ebe mak la kondis ho situasaun.

“Persizamente iha tempu badak ita ba debate para ita bele hadia artigu balu ne’ebe mak ladun fo benifisiu ba ita nia rai. Los dni tinan-tinan ita so kesi an deit ba mina, se tinan-tinan lei pensaun vitalisia tinan 3 fulan 6 ne’e iha direitu ba pensaun ne’e,”dehan deputada Benvinda.bal
.

Sem comentários:

Publicar um comentário

Nota: só um membro deste blogue pode publicar um comentário.