quarta-feira, 2 de setembro de 2015

Fiskalizasaun PN Folin Laek

.

Jornal Nacional Diário - 02 de setembro de 2015

Parlamentu Nasional nudar orgaun fiskalizador ba ejekusaun projetu Estadu nian, inklui fiskalizador ba ezekusaun orsamentu geral Estadu konsidera sira nia papel fiskalizasaun folin laek.

Durante ne’e membru PN sira ba halo fiskalizasuan iha suku, posto administrativu ho monisipiu sira kona-ba ezekusaun projetu Estadu nian, maibe rekomendasoens husi fiskalizasuan sira ne’e la iha rezultadu.

Membru PN husi Bankada CNRT, Françisco da Costa, fo nia afirmasaun katak, fiskalijasaun membru Deputadu kada semana iha Munisipiu la iha valor, tanba gasta deit osan povu nian.

“Hau hanoin la iha valor, la merese para halo duni fiskalizasaun iha iha Postu ka Distritu sira, hau hanoin la merese duni ona,” afirma Françisco da Costa liu husi sesaun plenaria iha uma fukun PN, Tersa (01/9/2015).

     Deputadu Francisco fo exemplu simples kona-ba ema fa’an sasan iha Merkadu Becora ne’ebe tama to’o estrada boot, nune’e, PN foti kestaun hodi husu ba Governu atu bele responde, maibe Governu la halo kauza.

“Hau hanoin ida ne’e laos hau deit mak foti kestaun ida ne’e, kuaze Deputadu lubuk ida hahu husi tinan 2005 to agora mas la iha ida atu konsidera. Se’e hanesan ne’e lalika halo fiskalijasaun para ita gasta povu nia osan ba iha foho se’e ita iha ita nia dapur laran deit kualia ema la rona sa tan iha foho,” afirma Deputadu Françisco da Costa. av
.

Sem comentários:

Publicar um comentário

Nota: só um membro deste blogue pode publicar um comentário.