terça-feira, 8 de setembro de 2015

IT MS Hamo’e Governu TL

.

Jornal Nacional Diário - 08 de setembro de 2015

IT husi Ministériu Saúde no Centro Convensoens Dili, (CCD) hamo’e Governu Timor Leste iha seremonia internasionál Saúde Mundial ne’ebé hala’o iha CCD.

Seremonia Inaugurasaun Komite Regional Organizasaun Mundial Saúde ne’e, partisipa husi nasaun parseiru dezenvolvimentu sira husi Asia.

Seremonia internasionál Saúde Mundial ne’ebé organiza husi Ministériu Saúde ne’e, buat barak mak falla, hodi hamo’e Governu Timor Leste.

IT sira hamo’e Governu Timor Leste, tanba bainhira Master of Ceremony (MC) bolu tiha Nai ulun sira hanesan Primeiru Ministru Rui Maria de Araújo, Ministra Saúde Maria do Céo no reprezentante nain rua husi OMS nian ba tu’ur iha oin sound system sira iha CCD laran la funsiona.

Binhira MC haruka tiha Primeiru Ministru ho bainaka sira hotu hamrik hotu atu kanta Ino Nasionál, sound sistem sira la fungsiona hotu, hodi Primeiru Ministru Rui ho bainaka sira internasionál hein to’o tu’ur fali de’it.

“Ami husu deskulpa tanba ami iha problema uit oan ho IT,”informa MC ba seremonia ne’e, Segunda (07/9).

Hafoin ne’e, MC informa tan ba ema hotu, ne’ebé partisipa iha serimonia ne’e hodi husu sira atu nonok uit oan, atu akompaña filmazen ida husi Ministeriu Saude kona-ba saude na familia.

Maibé bainhira ema hotu nonok hodi hateke de’it layar ka ekran sira ne’e, laiha filmazen ida sai.

Partisipante sira iha serimonia ne’e, doko ulun de’it hodi hateke no husu ba malu katak, saida mak akontese ne’e.

“Ami husu tan deskulpa, tanba ami iha problema ho sound sistem, dala ida tan, deskulpa bo’ot,”relata tan MC ne’e.

Ho situasaun ne’e, ema barak iha seremonia ne’e, lamenta tebes katak, nusa mak situasaun ne’e akontese iha seremonia bo’ot hanesan ne’e.

“It a ba habosok ema bo’ot sira hamrik tiha hanesan ne’e, buat sira ne’e la lian, ne’e ita mo’e hira,”katak partisipante ida iha sermonia ne’e.

Kuandu lahatene halo servisu, sai tiha para ema seluk mai halo fali servisu, ida ne’e halo mo’e ukun nain sira de’it.cos
.

Sem comentários:

Publicar um comentário

Nota: só um membro deste blogue pode publicar um comentário.