sexta-feira, 18 de setembro de 2015

Lei Pensaun Vitalísia Kria Dezigualdade, Xanana Promete Altera Antes Eleisaun 2017

.

Matadalan - 18 de setembro de 2015

Eis Primeiru Ministru, Kay-Rala Xanana Gusmão promete katak antes tama iha eleisaun jerál 2017 mai ne’e, Lei Pensaun Vitalísia tenki alteradu.

Xanana hato’o kestaun ne’e bainhira hala’o reuniaun sekreta ho veteranus kuaze ema na’in 12 iha fatin segredu iha Kuarta (16/09/2019), tuku 09:00-18:00 Otl.

Tuir fonte kredível ne’ebé partisipa iha reuniaun ne’e informa ba Matadalan katak Eis Komandante Supremu FALINTIL ne’e la satisfeitu ho Lei Pensaun Vitalísia tanba kria dezigualdade iha nasaun nurak ne’ebé sosa ho ruin no ran ne’e.

Fonte ne’e hatutan katak Maun-Boot Xanana sei husu ba membru Parlamentu Nasionál sira atu haree kestaun ne’e ho sériu. Bainhira membru Parlamentu kontinua konsidera assuntu ne’e la prioridade, fonte haktuir, Xanana sei uza dalan seluk atu altera lei refere.

Nia haktuir katak veteranu sira partisipa reuniaun ida ne’e tanba hetan konvite hosi Xanana hodi rona sira nia hanoin kona-ba Lei Pensaun Vitalísia nia impaktu ba povu no nasaun no mós assuntu krusiál sira seluk. Veteranu hirak ne’e konkorda totál líder karismátiku ne’e nia ideia atu altera lei ne’e. Iha biban ne’e, fonte esplika, sira mós deskuti isu importante seluk hanesan problema Tasi Timor entre Timor-Leste ho Austrália no assuntu sira seluk tan. (Matadalan)
.

Sem comentários:

Publicar um comentário

Nota: só um membro deste blogue pode publicar um comentário.