quinta-feira, 10 de setembro de 2015

Lider Lakoi Ema Kritika, Tenki Sai Modelu Neebe Diak

,

Suara Timor Lorosae - 10 de setembro de 2015

DILI-Representative Program Oficer In East Timor Asia Justice And Right’s (AJAR) Inocensio de Jesus Xavier hatete, se lider iha nasaun nee lakoi ema atu halo kritika liu husi media sosial, entaun tenki sai modelu neebe mak diak, para nunee ema labele halo kritika.

Nia hatete, agora se ema ruma halo nia hahalok neebe mak ladiak, tenki halo subar, purexemplu Ministru ruma halo eskandal labele halo ema hare.

Iha ita nia konstituisaun RDTL artigu 40 alina 2 koalia konaba, liberdade koalia no informasaun labele hetan limitasaun husi sensura ruma katak liberdade informasaun no koalia nee labele hetan sensura ruma entermus de lei, tamba nee espresaun sosial no kondisaun sosial, se lider sira atu labele dehan ema labele kritika sira, sira tenki sai modelu ka, para nunee ema labele halo kritika, tamba media sosial nee kan livre,” dehan Inocensio ba jornalista, iha nia servisu fatin, Farol, Dili, Kinta (10/09/2015).

Inocensio hatete, Presiza iha etika, mais labele halo kriminalijasaun ba ema nee, tamba tuir artigu 40 dehan labele iha sensura ba ema, tenki redus uluk kontituisaun RDTL 40 alina 2, labele politika Governu halo lei ida, I kontituisaun halo seluk.

Iha parte seluk membru PN husi bankada CNRT, Cesar Valente hatete, ema neebe mak uja ID falsu hodi ataka lider sira iha media sosial ou Internet nee hanesan aktu krimi.  Carme Ximenes
.

Sem comentários:

Publicar um comentário

Nota: só um membro deste blogue pode publicar um comentário.