terça-feira, 1 de setembro de 2015

Presu Mina Tun Afeta Ba OJE

.

Jornal Nacional Diário - 01 de setembro de 2015

Presu mina iha merkadu internasionál ne’ebé mak oras ne’e tun-sa’e, afeta ba Orsamentu Jerál Estadu (OJE) 2016-2017.

Reprezentante Program Oficer In East Timor Asia Justice And Right’s (AJAR) Inocensio de Jesus Xavier hateten katak, durante ne’e Timor Leste (TL) dependénsia boot ba iha fundu minarai, sé bainhira presu mina iha merkadu internasionál tun afeta OJE ne’ebé mak sei aprova tan iha tinan 2016-2017.

“Ita durante ne’e dependénsia boot ba ita nia fundu minarai, sé presu mina iha merkadu internasionál tun afeta ba ita nia reseitas, reseitas ita nia tun ne’e sei afeta mós ba ita nia OJE ne’ebé mak sei aprova tan iha tinan 2016-2017,” dehan Inocénsio ba jornalista sira, iha ninia servisu fatin Farol, Dili, Sesta (28/08).

Nia hateten katak, Governu presiza hadi’a polítika, tamba oras ne’e dadaun mina iha merkadu internasionál nian tun ne’e hamate ona nasaun sira ne’ebé ninia pengahasilan mai husi minyak.

Iha parte seluk membru Parlamentu Nasionál husi bankada Frente Mudança, Jorge da Conceição Teme hateten katak, nu’udar país ne’ebé dependenti ba petróliu ne’e perigozu, bainhira presu mina iha merkadu internasionál tun.

“Ha’u horseik ha’u le ne’e iha 48 dolar per baril i pode ser bele tun 38. Ida ne’e perigozu duni ba ita nu’udar país ne’ebé dependenti ba petróliu,” dehan deputadu Jorge Teme.

Nia hateten katak, sé ida ne’e mak sinal ne’ebé ke fó ba Timoroan, liu-liu ema hotu-hotu ne’ebé ke komprende konaba problema ida ne’e tenki buka ona alternativas para bele antisipa ona katak sé mina presu tun sa’e. Tinan ida mak Timor Leste nia pendapattan tama husi mina ne’e mak latun 1.5 milloens ne’e lato’o ba OJE.

“Ita nia OJE 1.5, maibé sé presu mina pur barel mak tun to’o 30 karik ne’e bele mós tinan ida ita sei lahetan 1.5 ita nia well reve new se lato’o ida. Nee perigozu teb-tebes ba ita, entaun ne’e konduz ona ita nia hanoin sai di’ak ona ita nia hanoin atu aplika taxa ona, ahi oan sé mak uza tenki selu, bee uza tenki seluk,”nia hateten.

Nune’e mós Prezidenti bankada PD, deputada Maria Lourdes Martins Bessa hateten katak, mina folin sira iha PN kestiona bebeik ona, sira nia preokupa oinsa halo industria petroliu ida iha TL.

“Kuandu situasaun globál agora. Ita nia retornu komesa tun, ha’u hanoin ita nia orsamentu ho responsabiliza liu tan, atu haree investimentu ne’ebé halo tenki iha retornu, ita garantia,”katak deputada Maria Lourdes Bessa. en
.

Sem comentários:

Publicar um comentário

Nota: só um membro deste blogue pode publicar um comentário.