sexta-feira, 18 de setembro de 2015

TDD Adia Hikas Desizaun Calisto

.

Jornal Nacional Diário - 18 de setembro de 2015

Tribunal Distrital Dili (TDD), Kinta (17/09), adia hikas desizaun ba arguido Eis Komandante Servisu Investigasaun Kriminal Nasional (SIKN), Calisto Gonzaga, tanba parte defesa sei halo pozisaun prosessual ba alterasaun lei jurídika iha artigu 273 kodigu proseu penal Timor-Leste durante loron lima (5).

Iha audensia tribunal hatete katak, antes atu halo leitura akordaun tuir lei iha alterasaun no kualifikasaun jurídika ba artigu 273 no 274 kodigu prosesu penal nian.

Tuir artigu 274 Ministeriu Publiku husu halo ona alterasaun jurídika hodi muda krime abuzu poder ba krime sekuestro tuir artigu 160 kodigo penal ba ema nain lima. Iha alterasaun jurídika iha artigu 273 kona ba alterasaun faktus ne’ebe la substansia, iha alterasaun ne’e la implika ba arguidu nia pena katak la hamenus ka aumenta, ne’ebe antes ne’e la konsta iha akuzasaun Ministeriu Publiku nian, tanba iha lei parte defesa iha direitu atu halo pozisaun prossesual ba antes halo alterasaun jurídika ba artigu 273.

Nune’e iha oportunidade ne’e parte defesa husu atu halo pozisaun prosessual ba alterasaun jurídika artigu 273 durante loron lima nia laran, hafoin tribunal halo leitura akordaun ba arguidu Calisto Gonzaga. Tan ne’e suspende fali ba loron sesta semana oin, loron 25 /09 tuku 10:00 dader OTL.

Audensia julgamentu ne’e prezide husi juis kolektivu, Juis Presidenti José Maria de Araújo, Zumiaty Freitas no Maria Solana, Ministeriu Publiku reprezenta Prokuradora Angelina Saldanha no arguidu hetan asistensia legal husi defensor publiku Sergio Quintas.Des
.

Sem comentários:

Publicar um comentário

Nota: só um membro deste blogue pode publicar um comentário.