quinta-feira, 15 de outubro de 2015

Tribunál Singapura la deskobre provas ba Orlando

,

Jornal Nacional Diario - 15 de outubro de 2015

Tribunál Internasionál Singapura la konsege deskobre provas ruma ba Diretur Téknika Federasaun Football Timor Leste (FFTL), Orlando Mendes Marques iha prosesu julgamentu ba dahuluk konaba kazu deskonfia simu subornu iha Sea Games.

Vise Ministru Negósius Estranjeirus i Kooperasaun (MNEK) Roberto Soares informa katak, maske kazu ne’e seidauk iha dezisaun finál husi Tribunál, maibé to’o agora tribunál seidauk hetan provas ida kona-ba kazu refere.

“Hala’o tiha ona julgamentu kontra ita nia ofisiál na’in rua ne’e, maibé ha’u lakohi atu halo konkluzaun kona-ba kestaun justisa ninian, maibé bele dehan katak, to’o ohin loron, seidauk konsege iha evidénsia ka provas ne’ebé ke kontra ita nia ofisiál na’in rua ne’e,” dehan Roberto Soares ba Jornalista sira iha nia knar fatin MNEK Dili, Kuarta (14/10).

Roberto dehan, nia la ba diretamente hodi observa konaba prosedimentus iha Tribunál Singapura ninian, maibé bazeia ba aktas ne’ebé fó sai husi Tribunál ninian ne’ebé sei segredu hela, husi ne’ebá hatudu katak, ofisiál FFTL Orlando ne’e, ho firmeza defende buat ne’ebé mak tuir sira nia konsénsia morál haruka, i sira buka atu defende mós buat ne’ebé sira halo atu salva imajen guarda, i prestiju ba nasaun no jogadór sira.

Nia esklarese, embaixada Timor Leste (TL) nian iha Singapura, kontinua akompaiña prosesu ne’e ho di’ak tebes.

“Kona-ba kazu ne’ebé ke ita hotu rona, akontese iha momentu Sea Games ne’ebé mak hala’o iha Singapura, iha insidenti ka akuzasoens balun ne’ebé ke halo kontra iha nia ofisiál balun, ne’ebé mak involve iha atividades desportu ninian,”katak Roberto.

Nia haktuir, prosesu ne’e kontinua la’o nafatin iha Singapura, tanba akontesementu ne’e, akontese iha Singapura, entaun Singapura iha ninia sistema judisiál rasik ne’ebé, hala’o ba situasaun ida ne’e.

“Ita husik ba iha Tribunál, bainhira hakotu ona konkluzaun ruma kona-ba prosedimentus ida ne’e, mak ita foin bele hatene lolos ninia rezultadu finál, tanba ofisiál na’in rua ne’e hateten ba tribunál katak, sira nunka kolabora, i sira nunka simu buat ruma,”katak Roberto.

Nia dehan, kazu ne’e se iha prosesu hearing ninian ka seidauk iha desizaun final lolos, maibé konserteja husi FFTL ninian, sempre prepara advogadus hodi defende ofisial FFTL Orlando ho nia kolega ne’e, hanesan Estadu no Governu, tanba sira nain rua ne’e mós ema Timor-oan.

Nia haktuir, husi parte Governu Timor Leste, liu husi Ministériu Negosius Estranjeirus, kontinua halo akompañamentu ba prosesu ida ne’e, Orlando ho nia kolega ne’e mós sidadaun Timor-oan, konserteja reprezentante Estadu Timor Leste iha Singapore, sei buka nafatin meus atu asegura sira nia direitu nu’udar Timor-oan, atu bele hetan protesaun no seguransa tuir relasoens iha diplomatika ninian.

“Tanba ne’e mak, ha’u aproveita oportunidade ida ne’e, atu fó sai ba públiku enjeral, ita importante mak kolabora ho prosesu justisa ninian, ita labele halo uluk konkluzaun ida katak, ida ne’e mak sala, ou ida ne’eba mak sala, maibé ha’u fiar katak, iha tempu ne’ebé ke oportunu, ita sei bele hetan rezultadu ne’ebé ke hatudu lolos ba kestoens ne’ebé mak foin akontese ba ita ofisial nain rua, durante hahú atividades Sea Games iha Singapore,”afirma Roberto Soares.

Tanba ne’e, Roberto Soares mós husu ba públiku atu labele halo uluk konkluzaun ba ema ida nia prosesu hanesan ne’e, maibé ba kestaun sira hanesan ne’e, tenke ko’alia ho fuan no neon malirin, atu bele haree ba valores justisa ninian.cos
,

Sem comentários:

Publicar um comentário

Nota: só um membro deste blogue pode publicar um comentário.