quinta-feira, 26 de novembro de 2015

Dom Basilio Kestiona Prozetu ZEESM Gasta Osan Barak

.

Suara Timor Lorosae

DILI-Governu dehan labele gasta osan arbiru no tenke poupa, maibe realidade osan barak maka fakar ona ba projetu Zona Espesial Ekonomia Social Merkadu (ZEESM).

Tuir Administrador Apostoliku Dioseze Dili Dom Basilio do Nascimento katak, Governu fo sai dehan tenke poupa osan estadu, maibe realidade osan barak maka aloka ba projetu ZEESM, maibe too oras nee seidauk iha benefisiu ida husi projetu neba.

Hau hanoin ema dehan katak atu labele gasta osan arbiru deit, maibe Governu tau ona osan barak iha Jona Ekonomia nee no hanoin katak husi investementu ida neeba nee buat ruma bele mai Timor, liu-liu iha Zona Ekonomia nee, maibe too oras nee ita seidauk hare ninia benefisiu  husi prozetu nee rasik, tamba nee ita hein katak osan sira neebe maka investe ona nee bele fo ninia rezultadu diak,” informa Dom Basilio ba STL, Tersa (24/11/2015) iha Salao Joao Paulo Comoro Dili.

Nia informa liu tan katak,  buat neebe ema kestiona nee osan ba ZEESM barak, tamba nee ema hotu hein ninia benefisiu no rejultadu husi prozetu neebe maka uza osan barak.

Iha parte seluk Direitur ONG Luta Hamutuk Mericio Akara katak, preokupasaun entidade sira nian maka se maka investe, tamba estadu hamutuk ho investedor sira hasai ona osan barak ba ZEESM, tamba nee hein ninia rejultadu. Informasaun kompletu iha STL Jornal no STL Web, edisaun Kuarta (25/11/2015). Madalena Horta/Lucia Ximenes
.

Sem comentários:

Publicar um comentário

Nota: só um membro deste blogue pode publicar um comentário.