segunda-feira, 16 de novembro de 2015

Julio Tomas: Labele dudu militar tama politika

.

Jornal Nacional Diário - 16 de novembro de 2015

Eis Sekretariu Estadu Defeza (SED) aktual Dosente Departementu siensia Politika Universdidade Nacional Timor Lorosa’e (UNTL), Julio Tomas Pinto husu ba politiku nain sira iha Timor Leste labele dudu militar tama politika.

“Agora iha   ita nia rai ha’u hare’e prosesu la’o nomal hela, entaun politiku sira labele dudu-dudu militar tama politika,”esplika Julio Tomas Pinto ba Jornalista iha Hotel Timor Sesta (13/11).

Ne’e duni tuir Julio Tomas Pinto katak,   politiku sira sein halo investigasaun didiak dun matak militar sira tama politika, labele.

“Kuandu ita atetude ida ne’e iha bebeik ne’e maka iha tempu ida obriga militar tama politika,”tenik tan Julio Tomas Pinto.

Ne’ebe nia dehan, ema Portugues sira dehan ‘que não tem direitu a fala’ (Se maka la investiga nia la iha direitu koalia) ne’ebe politiku ida temi Jeneral ida nia naran, daet ho partidu balun, kuidadu.

“Ha’u apoiu 100% Jeneral Lere Anan Timur nia deklarasaun katak, nia neutru, nia neutru nafatin to’o mandatu hotu, Jeneral Lere ne’ebe maka ha’u konhese ne’e, ha’u fiar situasaun difisil ruma entre partidu sira han malu ka lider sira han malu nia foti pozisaun neutru defende interese Estadu nian,”tenik Julio Tomas Pinto.

Tanba ne’e, Julio Tomas dehan, labele diskonfia militar involve iha politika.

“Ita hili Komandante ida, Jeneral ida, tanba   ita konfia, se politiku dun matak Jeneral sira, ne’e signifika katak, politiku sira komesa dudu militar ba politika, ne’ebe ita kuidadu, ita espera katak, buat hotu la’o diak. klaru katak, se   maka atu harii partidu, bele harii ba mas la’os militar sira,”dehan Lere.Avi
.

Sem comentários:

Publicar um comentário

Nota: só um membro deste blogue pode publicar um comentário.