quarta-feira, 4 de novembro de 2015

Portugal la marka prezensa iha selebrasaun tinan 500

.

Jornal Nacional Diário - 04 de novembro de 2015

Nasaun Portugal konfirmadu ona katak, sira labele mai partisipa iha seremonia tinan 500 evanjelizasaun tama iha Timor Leste (TL), ne’ebé sei hala’o iha Oe-cusse fulan ida ne’e, maske selebrasaun ne’e, iha relasaun maka’as ho Portugal, tanba sira mak habelar Katolika tama mai TL.

Vise Ministru Negosius Estranjeirus i Kooperasaun (MNEK), Roberto Soares informa katak, Portugal labele mai partisipa iha seremonia importante ne’e, tanba sira preokupadu ho sira nia formasaun Governu foun.

“Ofisialmente, Portugal konfirmadu ona katak, Prezidenti da Repúblika labele mai, ha’u fiar katak, laiha delegasaun espesiál husi Portugal atu mai, tanba Portugal sei iha hela faze preparasaun ba formalizasaun sira nia Governu foun,”informa Roberto Soares ba Jornalista sira iha nia kna’ar fatin MNEK Dili, Sesta (30/10).

Maibé Roberto dehan, Governu TL hein nafatin Portugal atu uza nia matenek hodi foti desizaun ba ida ne’e, maibé Governu TL mós lakohi atu obriga nasaun ida atu partisipa iha seremonia importante ne’e.

“Husi nota formal ne’ebé ke ita simu ona, Prezidenti Repúblika Portugal, hato’o ninia deskulpa bo’ot katak, nia labele partisipa iha eventu ne’e, tanba iha mós komprimisu seluk ne’ebé atu sira hala’o, relasaun ho sira nia interese rasik,”relata Roberto Soares.

Nia esklarese, bainaka espesiál sira ne’ebé mak konfirmadu ona atu mai partisipa iha selebrasaun tinan 500 ne’e mak hanesan, Prezidenti Repúblika (PR) São Tome e Príncipe ho Primeiru Ministru (PM) Caboverde.

Roberto informa, dadauk ne’e Governu mós, sei hein hela karta konfirmasaun ba na’i ulun balun husi nasaun seluk, ne’ebé mak atu mai partisipa iha seremonia importante ne’e.

“Sira ne’ebé mak konfirmadu ona atu mai partisipa mak hanesan, Prezidente São Tome e Principe no Primeiru Ministru Caboverde, i enviadu espesial husi Moçambique ne’ebé reprezenta Prezidenti da Repúblika,” informa Roberto Soares.tenik Roberto Soares.cos
.

Sem comentários:

Publicar um comentário

Nota: só um membro deste blogue pode publicar um comentário.