segunda-feira, 23 de novembro de 2015

Uma Mahunu nian ahi han

.

Jornal Nacional Diário - 23 de novembro de 2015

Eis komandante FALINTIL Antonio Jose da Costa ‘Mahunu’ ninia uma ahi han to’o motuk iha loron Sabado (21/11) oras tuku 17:30OTL lokraik iha Suco Bemori, Aldeia Has-laran, Zona Nain Feto, Munisipiu Dili.

Kronoljia akontesimentu ne’e katak, fou-foun ne’e ahi han hahu husi kuartu husi armari nian daet ba sprinbad tutan hodi rejulta uma refere ahi han to’o motuk.

Espelika kondutor privadu Mahunu, Miguel Asqeli iha fatin akontesimentu espelika ba jornalistas sira katak, nia parte loke odamatan ba tur iha liur la kleur mosu aisuar sae la konsege salva.

“Senõr Mahunu rega ai-funan, ha’u mos tur hela derepenti ahi han husi kuartu laran, ha’u tama ba atu baku mate ahi ne’e mos la biban, tanba ahi ne’e lakan bo’ot tiha ona sasan ami nian mai la hasai, tanba ha’u mos mesak tan,”haktuir kondotur ne’e.

Miguel Asqeli hatutan, sasan ne’ebe maka ahi han maka, televizaun, ida, dispenser ida, mesin motor, armari, sofa, meja no kadeira, ropa la konsege foti sai ahi han hotu.

Iha fatin hanesan Xefi Brigada Bombeirus, Norberto Soares Exposto hatete, ahi han uma ne’e laiha ema ida maka kontaktu ba bombeirus konaba ahi han uma ne’e.

“Ami mai ne’e sedauk rona informasaun ida, ami haree deit ahi ne’e suar ami mai, sorti ami nia segundu komandante ne’e hela iha santa cruz, kontaktu dehan ahi han iha ne’e ami mai,”hateten Norberto Exposto..

Maske nune’e nia espeliak katak, maske la hetan kontaktu, maibe Bpmbeiros sempre atende ba uma ahi han wainhira rona no haree akontesimentu ne’ebe refere.

“Ami mai deit la iha informasaun mai ami dehan katak ahi han uma, uma nain la kontaktu mai ami, ami mai deit, ohin ami mai mos mai tarde ona,”tenik nia.

Nune’e mos, Marino nudar joventude ne’ebe maka hela besik iha fatin akontesementu hatete, labele salva uma ne’ebe refere,

Entretantu tuir observasaun JN-Diario iha fatin akontesementu haree katak, sasan uma laran motuk hotu no sasan la konsege lori sai. Eus
.

Sem comentários:

Publicar um comentário

Nota: só um membro deste blogue pode publicar um comentário.