quarta-feira, 2 de dezembro de 2015

OJE US$ 1.562,233 millaun tama PN, PM Rui: Hodi hadia povu nia moris

.

Jornal Nacional Diário - 02 de dezembro de 2015

Sestu Governu konstitusional ne’ebé lidera husi Primeiru Ministru (PM), Rui Maria de Araújo, Tersa (01/12), aprezenta proposta Orsamentu Jeral Estadu (OJE), 2016 ho montante US$ 1.562,233 millaun ba Parlamentu Nasional.

Proposta OJE 2016 hamutuk dolar millaun1.562,233, inklui imprestimu sira.

Montante total mai hosi soma hamutuk kategoria orsamental no konkretu liu maka, salariu no vensimentu servisu dolar miliaun 181,529, no bens servisu sira inklui Fundu Dezenvolvimentu Kapital Umanu (FDKU) dolar miliaun 468,988, transferensia publika sira dolar millaun 475,775, kapital minor dolar miliaun 17,565, kapital dezenvolvimentu inklui fundu infraestrutura dolar miliaun 418,376.

“Propsota ne’ebe maka ha’u mai aprezenta no defende iha ne’e, reprezenta programa no politika finanseira, ekonomika no sosial   ne’ebe krusial   atu Governu Konstituisonal   ba dala VI   bele kaer país ida ne’e hodi hasa’e kondisaun ita nia povu nian,”esplika PM Rui, liu husi aprezentasaun OJE   2016 ne’e iha PN.

Ho ida ne’e PM Rui dehan, bele jere ho efisiensia osan publiku nian sira bele kumpri programa Governu nian, hanesan konsekuensia maka atu la’o ba oin hodi bele kumpri mos planu estratejiku no mos planu estratejiku dezenvolvimentu nian ba tinan 2011 to’o 2030 nudar estratejia hirak determinante.

PM Rui realsa katak,   bainhira Governu promove Jornada Orsamental nian halo ida ne’e ho intensaun atu inspira fiskal ida bo’ot liu, hodi hamenus gastu   hirak ne’ebe super flow, no define priodade nasional sira tinan 2016.

“Iha tempu ne’ebe ami estabelese envelope fiscal ida ho valor rihun miliaun 1,3 no ami estimula edukasaun, saude, agrikultura no infraestrutura   bazika sira hanesan prioritaria   investimentu   nian,”dehan PM Rui.

Maske nune’e, valor     hirak ne’e laos valor sira   ne’ebe maka aprezenta   no fatia bo’ot investimentu nian,   efitivamente , halai   liu ba insfraestrutura hirak bo’ot, ne’ebe maka kontempla   iha fundu infraestrutura nian hanesan projetu tasi mane, estrada, portu, no aeroportu no saneamantu no projektu   no programa sira kona-ba dezenvovimentu ekonomiku no sosial hanesan Rejiaun Administrativa Oecusse Ambeno Zona Espesial Ekonimia Sosial Merkadu (ZEESM)no pensaun sira ba Veteranus sira , ba idojus no difensente sira, ba ema vitima dejatre natural sira nune’e mos apoiu husi Bolsa da Mãe.

“Tanba   ne’e, ami iha dever esplika ba povu Timor Leste   ne’ebe reprezenta husi PN,   kona-ba razaun hirak   ne’ebe halo komite revizaun politiku hola       disizaun dia ne’e,”katak PM Rui.

Investimentu ne’ebe maka bo’ot, PM Rui rekoñese hanesan etapa esensial ida ba estratejia dezenvolvimentu nasional. Tanba ne’e maka Governu prepara ona projetu sira tuir nesesidades hirak ne’ebe identifika ona no Govenru hahú halo ona investimentu no kontruksaun sira.

“klaru katak, aspetu multi annual hosi projetu sira ne’e difikulta ami atu halo planeamentu no orsamentasaun, ho konsiderasaun ida katak, kompromisiu hirak ami simu   ne’e, no nesesidades finasiamentu   asosiadu ho projtu   sira ne’e, ejiji ami atu hasan responsabilidade sira hodi tenki partilha   ba malu, tanba responsabilidade hirak ne’e mai hosi inisiativa sira kona-ba interese nasional nian,”haklaken PM.

Nia akresenta katak, Governu ba dala VI hahu dadauk ona reorganizasaun interna ida , ho objektivu atu asegura ligasaun ida entre planu   no orsamentu, no iha reorganizasasaun ne’e Governu adopta prinsipiu ida, planu ida, orsamentu ida, sistema ida.

Atu Timor Leste bele sai nudar país ida ne’ebe ho rendimentu mediu as to’o tinan 2030, maka presiza kresimentu   ida ne’ebe forte no ho kualidade ekonomia la’os petroliferu  ida bo’ot.

“Entre tinan 2007 to’o 2012 Governu implementa ona politika ekonomia hirak ne’ebe bele lori   ita ba taxa kreximentu ekonomia as, ho Produtu Internu Bruto (PIB) la’os petroliferu     ne’ebe sa’e ho media 10,60% tinan ida ne’e,”katak PM Rui.Avi
.

Sem comentários:

Publicar um comentário

Nota: só um membro deste blogue pode publicar um comentário.