quarta-feira, 16 de dezembro de 2015

Orsamentu Pensaun Vitalisia Miliaun $4, ZEESM Miliaun $218

.

Timor Post - 16 de dezembro de 2015

DILI—Orsamentu todo governu hamutuk miliaun $329,476. Entre orsamentu ne’e, miloens $4 ba eis titulár órgaun soberania no montante miloens $218 ba Zona Espesiál Ekonomia Sosiál Merkadu (ZEESM).

“Alokasaun orsamentu ne’ebé sai diskusaun kle’an ba dotasaun todo governu ninian iha orsamentu ne’ebé aloka ba nesesidades ne’ebé iha hanesan dotasaun todo governu ninia totál orsamentu $329,476 miloens,” Portavóz Komisaun Eventuál, Adérito Hugo da Costa informa ba jornalista sira iha salaun Ministériu Negósiu Estranjeiru no Kooperasaun (MNEK), Segunda (14/12).

Aloka mós osan ba iha G7+ ninian miloens $2,500. Verba orsamentu ne’e importante tebes tanba G7+ ne’e programa ida ita maka inisiativa hamutuk ho nasaun hitu seluk, maibé ho nia númeru membru ne’e agora aumenta ba nasaun18. TL maka sai motór. Ne’ebé, rezultadu ita nia partisipasaun iha G7+ foti tiha ita nia nível hanesan nasaun foun ida iha organizasaun internasionál sira li-liu mós iha ONU.

“Alokasaun orsamentu ba G7+ ne’e atu TL hatudu ninia komprimísiu konsisténsia ba partisipasaun TL ninia ba iha organizasaun internasionál sira atu kontribui ba mudansas apoiu ba nasaun ki’ak sira,” reprezentante povu ne’e dehan.

Iha parte seluk, deputadu Adérito dehan, lei hatete debate ba espesialidade labele liu loron sanulu. Ne’ebé, komesa iha loron Tersa (15/12) no hahú debate fali iha plenária sei loron lima tan. (jos)
.

Sem comentários:

Publicar um comentário

Nota: só um membro deste blogue pode publicar um comentário.