quarta-feira, 2 de dezembro de 2015

PR Taur preokupa reseita husi ZEESM Oe-cusse

.

Jornal Nacional Diário - 02 de dezembro de 2015

Prezidenti Repúblika Taur Matan Ruak preokupa ho reseitas husi projetu dezenvolvimentu Zona Espesial Ekonomia Sosial Merkadu Oe-cusse (ZEESM).

Taur Matan Ruak dehan, wainhira nia vizita sentral eletrisidade Oe-cusse, nia haree katak, sentru eletrisidade ne’e, sei lori dezenvolvimentu iha Oe-cusse, maibé povu iha munisípiu 12 kesi kabun, tanba osan barak mak Estadu aloka mai iha Oe-cusse.

“Hanesan Prezidenti Republika, ha’u apoiu projetu ne’e mesmu ha’u hatene agora ne’e gampang liu tamba simu osan no gasta osan deit, maibé defisil mak imi Oe-cusse hatama osan ba Estadu ou laiha ne’e ita lakon. Pior liu tan imi la manan,” esklarese Taur Matan Ruak liu husi diálogu ho komunidade Suku Lifau, Postu Rejiaun Pante Makassar, Oe-cusse Segunda 30/11.

Taur Matan Ruak afirma, problema prezidenti nian mak, povu oe-cusse prontu hetan benefísiu husi projetu ne’ebé mak la’o ou povu sai haree na’in ba projetu ne’e.

Taur hatutan, sentral eletrisade ne’ebé halo ho orsamentu millaun 17, aero portu sei naruk liu Dili sei gasta orsamentu millaun US$ 80, hodi gasta ba Aeroportu, oras ne’e rona fali millaun US$ 170, no mós ponte metru 300, ho estandar di’ak ho ninia folin millaun 17, iha mós irigasaun ho folin millaun 11.

“Prezidenti hakarak imi Oe-cusse oan sira aproveita dezenvolvimentu iha imi nia rai, tanba problema prezidenti nian mak imi Oe-cusse prontu hetan benefísiu husi projetu ne’e ou imi sai penontong,”esklarese Taur Matan Ruak.

Alénde ne’e, komunidade Cândido Suni informa katak, polítika Estadu nian ba tinan lima mak Estrada, Eletridade, Bee moos, Edukasaun no saude inklui dezenvolvimentu seluk tan, tenki iha rezultadu ba povu.

Iha diálogu PR Taur Matan Ruak nian ho komunidade Suku Taiboco ne’e, laiha reprezentante husi estrutura Rejiaun Administrativu Espesial Oecusse Ambeno ka ZEESM, hodi rona preokupasaun povu nian, tanba akompaiña hela diskusaun ba Orsamentu Jeral Estadu 2016.cos

Foto de Presidência da República de Timor-Leste, Facebook. 
,

Sem comentários:

Publicar um comentário

Nota: só um membro deste blogue pode publicar um comentário.