domingo, 6 de dezembro de 2015

ZEESM habokur grupu balun deit, liu-liu Alkatiri nia família no Fretilin nia ema

.

Husi: Fretilino Belo - Baucau

Ohin loron Alkatiri iritadu ho PR nia kritika ba ZEESM. Hori uluk kedan hau hato ona argumento katak ZEESM ne pemborosan estadu nia osan no resultado husi consenso politico atu F apoio total OGE no fo pasta executivo ba Alkatiri. Alkatiri iha 2013 hakerek karta ida ba Maun Xanana atu husu fo pasta ida ba nia.

Realidade ZEESM:

1. Investimentu publiku nebe habokur grupu balun deit, liu-liu Alkatiri nia familia no Fretilin nia ema. Osan halai hotu ba kompania Indonesia nebe selu komisi 5% Fretilin nia ema sira. Alkatiri bainhira sei sai deputadu hatenu makas hasoru AMP katak dezenvolvimentu habokur kompania Indoneziu nian no AMP lafasilita setor privadu lokal. Maibe agora lambe rasik nia kaben hodi dehan emprezariu TL seidauk mampu.

2. Investimentu publiku nebe bot sei lafo fila retornu iha tempu badak tanba merkadu nebe kiik. Alkatiri mehi atu halo kombinasaun entre investimentu publiku no privadu maibe investor estranjeiru hira maka atu investe iha Oecusse no hodi osan hira? Laiha promising potential ba investor estranjeiru. Karik sei loke kazinu ida ka rua atu fasilita mafiouzu sira fase osan iha neba. Benefisiu ba povu maka bele hare estrada no infraestrutura seluk maibe sira sei lauza tanba estrada ne aeroportu ne benefisia deit ba kompania nasional (laos lokal tanba atoni oan sira barak maka lainvolve iha projetu sira) no internasional (Xina no Indonesia) maka sei goja infraestrutura sira nebe harii ho osan estadu nian.

3. Alkatiri mehi atu loke ospital publiku no privadu tuir padraun internasional. Estadu kala harii ona ospital publiku ida maibe investor kidun ben ida nebe maka atu investe hodi hari ospital privadu ba popoulasaun 30.000 iha Oecusse? Ka alvu potential client maka povu NTT? Hau fiar sira sei prefere ba Surabaya ho kustu nebe kiik do que mai Oecusse hodi uxa dollar nebe todan atu selu kustu. Nune mos Alkatiri nia mehi atu loke eskola publiku alta kualidade, ida ne estadu kala harii ona maibe investor bulak ida nebe maka atu harii eskola privadu alta qualidade iha Oecusse? Eskola ne atu dada povu NTT maka eskola iha Oecusse? 

4. Potensia saida maka sei sai rekursu prinsipal iha Oecusse atu hatama fali retornu ba estadu hafoin investimentu publiku nebe bot? A). Turizmu? Turista nain hira maka sei ba Oecusse/ano? B). Agrikultura? Karau ulun hira maka sei exporta ba liur/ano no organic food tonelada hira maka sei produz/ano? Hau hanoin Alkatiri nia filozofia ekonomia nebe fiar metin katak kada investimentu tenke fo fali retornu sei sai hanesan retorika deit atu justifika pasta nebe nia enjoy dadauk nee.

5. ZEESM nia benefisu ekonomia ba povu Oecusse maka saida? Sai penonton! Area turizmu sei dumina husi grupu elite kiik nebe subar iha Alkatiri nia kalilin, area estratejia sira iha tasi ibun sei fo hotu ba ninia kroni sira (reza atu iha turista barak). Podusaun agrikola sei dumina husi grupu elit bermodal ka kaum feodal sira (se karik konsege sai esportador produtu agrikola ba liur). Povu bain2 sei nafatin sai penonton. No pior liu se dalan nakloke liu ba merkadu husi kupang/indonesia atu tama ba Oecusse maka sei fo ameasa liutan ba maun alin sira nebe dudu 3 roda no loke kios kiik sira iha Oecusse. Hafoin fundu husi setor publiku uza hotu ona ba konstrusaun infraestrutura iha Oecusse, moris sei fila fali ba normal hanesan antes no ekonomia sei lesu ka namlaek fali deit. So que sei husik hela estrada ba povu kiik atu lao ain tanan iha leten no aeroportu sei fo hiburan ba labarik sira hodi hare aviaun ida nebe tun dala 1 ka 2 iha fulan ida nia laran.

ZEESM adalah pemborosan anggaran negara demi berbagi kekuasaan dan menutup mulut Alkatiri yang tidak pernah berhenti mengongong menentang pemerintah. ZEESM adalah plester pembalut mulut Alkatiri dan briefcase yang memaksa Alkatiri berlutut dan menjilat sepatu maun bot Xanana. 
.

Sem comentários:

Publicar um comentário

Nota: só um membro deste blogue pode publicar um comentário.