sábado, 23 de janeiro de 2016

Jokowi ‘admira’ ho Taur tama sai suku

.

Jornal Nacional Diário

Prezidenti Republika (PR) Indonesia Joko Widado (Jokowi) admira oituan rona dehan, Prezidenti Timor Leste, Taur Matan Ruak, la’o ain tama sai suku iha teritoriu Timor laran tomak.

Jokowi ejerse ninia admirasaun ne’e wainhira PR Taur Matan Ruak, koalia tuir ba nia iha Istna Negara Jakarta, wainhira PR Taur hala’o vizita Indonesia, foin lalais ne’e.

Prezidenti Indonesia Jokowi sei halo hikas vizita mai Timor Leste iha Tersa (26/1/206), hodi profunda liu tan relasaun biltaral ne’ebe maka Indonesia ho Timor Leste fortelese ona durante ne’e.

Liu husi dialogu komunitaria ho komunidade Luoro, Munisipiu Lautem, Kuarta (20/12016), PR Taur Matan Ruak, informa katak, ho orgulhu povu TL sei simu vizita Prezidenti Jokowi nian.

“Hau momentu ba iha Indonesia, hau konta ba nia kona ba hau halo vizita ba iha suku nia hakfodak, tanba nia dehan nia la bele halo vizita ba suku, tanba sidade ninian deit barak liu ne’ebe nia atu vizita ba sidade karik mandatu remata mos seidauk hotu,’’ haktuir PR Taur Matan Ruak.

Xefi Estado hatutan, iha tomada de pose Prezidente RI ne’e iha Jakarta, iha ne’eba mak komvida xefi Estado ne’e atu mai vizita Estado TL.

Xefe Estado ne’e mos realsa tan katak, maske tempu pasadu Indonesia iha istoria ne’ebe mak at ho Timor-Leste, maibe presiza kria nafatin relasaun ne’ebe mak diak ho sira.

“Iha tempu pasadu Indonesia iha istoria ne’ebe mak at ho diak ho ita, ita presiza nafatin buka atu kria relasaun ne’ebe mak diak ho Indonesia, tanba sira hanesan ita nia nasaun vizinu,” PR Taur salienta. Iha tinan kotuk, antes eis Prezidente Indonesia nian, Susilio Bambang mos mai vizita ona, iha vizita koalia asuntu inportante barak tebes,’’ hateten PR Taur. mia
.

Sem comentários:

Publicar um comentário

Nota: só um membro deste blogue pode publicar um comentário.