segunda-feira, 25 de janeiro de 2016

LA TAHAN KRÍTIKA, EMANUEL BRAZ REJIGNA

.

Timor Post - 25 de janeiro de 2016

Díli - Xefe Governu, Rui Maria Araújo hatete, desizaun Emanuel A. de Araújo Braz hodi rezigna-an hanesan assesór nasionál iha Gabinete Primeiru Ministru (GPM) tanba kritikas ne’ebé mak durante ne’e media nasional sira halo.

Emanuel Braz ne’ebé mak antes ne’e servisu iha Gabinete Xefe Governu nian hanesan Assesor sénior de Komunikasaun Estratejika do Primeiru Ministru, kada fulan simu salariu ho montante rihun $11,611.11.

Oras ne’e asessor sénior Komunikasaun Estratejika PM nian laiha ona no karik iha planu atu halo rekrutamentu, Rui Araújo hateten la.presiza atu rekruta tan (troka).

“Nia aprezenta nia rejignasaun tanba ita bo’ot kritika bebeik, la presiza troka”, dehan PM Rui hatan ba jornalista sira iha Aeroporto Internasional Nicolau Lobato, Komoro, sabadu.

Rui hatutan, durante iha Gabinete PM nian, servisu Emanuel Braz nian ne’e para atu haree kona-ba komunikasaun estratéjika nian.

“Nia aprezenta ona estratéjika, nia servisu hotu ona, nia sente dehan lakohi kontinua tanba ita-boot kritika beibeik nia, entaun prontu”, PM Rui tenik.

Saláriu Emanuel Braz kada fulan ho montante rihun $11,611, 11 ne’e a’as liu kompara ho asessór internasinál sira, Hafoin media deskobre no asesu lista salariu kada fulan assesór sira hosi Gabinete PM Rui nian, hamosu kritika maka’as hosi públiku tanba Xefe Governu kontra ona promessa atu halo poupansa ba Orsamentu Estadu nian.

Tanba hetan kritikas bebeik, Emanuel Braz ne’ebé mak iha mandatu VI Governu Konstitusionál nian hanesan asessór nasional iha Gabinete PM, Rui Maria Araújo nian, para ona hala’o servisu iha Palásiu Governu,

Hahú Novembru 2015 nian to’o ohin loron, Emanuel Braz ne’ebé mak asumi kargu hanesan asessór nasionál la-tama ona servisu hanesan bai-bain. (tay)
.

Sem comentários:

Publicar um comentário

Nota: só um membro deste blogue pode publicar um comentário.