sexta-feira, 1 de julho de 2016

PR Taur: Lei Fraku Estranjeiru Domina Iha TL

.
Foto:Presidência da República de Timor-Leste
Suara Timor Lorosae -01 de julho de 2016

ATSABE-Prezidente Republika (PR) Taur Matan Ruak hateten lei sei fraku, tanba nee fo livre ba ema estranjeiru sira domina iha Timor Leste (TL) hodi halo negosiu arbiru iha Timor Laran, tanba nee governu tenki tau atensaun.

Lia hirak nee hatoo husi PR Taur, liu husi dialogu komunitaria ho Komunidade Suku Baboe Kraik, Postu Administrativu Atsabe, Munisipiu Ermera, Kuarta (29/06/2016).

Emprezariu sira hakarak halo investementu iha nee presiza tuir kriteiru, soke dezkontroladu ita nia ema sei lao nafatin, ita maka fo dalan, tanba ita nia lei fraku, needuni fo dalan ba ema mai, maibe ita ba fali loke buisnis iha Indonesia nee susar, satan ba loke iha Australia nee susar liu tan, maibe sira mai iha ita nia rain nee gampag, tanba nee problema ida nee ita nia governu tenki hare,” hateten Taur.
.
Xefi Estadu mos haklean tan katak hare iha Dili, Timor oan sira agora ba dadauk ona sidade nia ninin, iha laran ema estranjeiru maka okupa, tanba Timor oan sira halo kompetisaun la iha, neebe Timor oan dezenvolve e benefisia ba ema estranjeiru.

Iha fatin hanesan Luis da Conceção hateten servisu imigrasaun nunka lao ho diak, tanba nee ema estranjeiru kontinua dumina iha timor laran, liu-liu iha Atsabe. Joao Anibal
.

Sem comentários:

Publicar um comentário

Nota: só um membro deste blogue pode publicar um comentário.