terça-feira, 24 de janeiro de 2017

Eis-ministra timor-oan kondenada husu ba PR komisaun espesialista atu investiga justisa

.

Eis-ministra timor-oan ida ne’ebé kondena iha dezembru ho prizaun tinan hitu tanba partisipasaun ekonómiku iha negósiu apela iha horisehik ba Prezidente Repúblika atu  bele kria komisaun espesialista internasionál ida ne’ebé bele analiza "defisiénsia sistema justisa nian".

Apelu ne’e iha ona karta aberta ida ne’ebé Emília Pires, eis-ministra Finansa, haruka ba xefe Estadu, Taur Matan Ruak, momentu  deside hela halo rekursu ba ninia kazu ne’ebé  aprezenta hosi defeza, ne’ebé hakarak absolvisaun  ba Ministériu Públiku ne’ebé hakarak aumenta tan pena.

"Señor Prezidente, ha’u  halo  ona rekursu ba Tribunal Rekursu, maibé ladun  fiar ba ida ne’e, relasiona ba  prekonseitu ne’ebé sistema justisa  hamonu  ona kontra ha’u no julgamentu ne’ebé ha’u sofre ona no kontínua sofre iha komunikasaun sosiál", refere Emília Pires iha karta ne’ebé Lusa hetan asesu.

"Señor Prezidente, tuir  Konstituisaun Timor-Leste, señor iha dever atu asegura funsionamentu sistema judisiál ne’ebé di’ak. Relasiona ho ida ne’e, sujere ho respeitu baita boot, atu  kria komisaun internasionál espesialista eminente ida, respeitável hodi naran  atu  ezamina laós deit ba ha’u nia kazu, maibé ba defisiénsia sira iha sistema Justisa. Laós  halo ida ne’e mai ha’u, halo ba povu Timor-Leste", haktuir nia.

Aleide Emília Pires ne’ebé kondena iha prosesu hanesan, ba  tinan haat prizaun, eis-vise-ministra Saúde Madalena Hanjam – ne’ebé moos rekorre -, sira nain-rua tuir komete  irregularidade ba sosa kama atus resin ospitál nian ho kontratu rua (A no B) adjudikadu ba empreza ba ninia laen ho primeiru, no kontratu konlui entre na’in tolu ba konkretizasaun negósiu nian, ho valór dólar rihun 800 (euro rihun 746).

"Ha’u hetan kondenasaun ba prizaun tinan hitu, maske Tribunal rekoñese hela katak laiha prova ne’ebé Estadu Timor-Leste lakon dólar ida. Aleinde sala sira seluk ne’ebé komete husi Tribunal, desfeixu lanormál nein aseitável iha kualkér sosiedade regula hosi Estado de Direito ", nia konsidera.

Iha karta ho ninia data horisehik, akompaña ho rekursu besik pájina 200 ne’ebé aprezenta hosi defeza, Emília Pires konsidera katak tuir buat barak ne’ebé  hatete no hakerek kona-ba nia prosesu bazeia deit "ba boatu no laiha prova" no akórdaun sentensa Tribunal Distrital Díli "kontráriu ho lei Timor-Leste no prova sira ne’ebé aprezenta".

"Povu Timor-Leste hein, ho lejitimu, atu Justisa bele implementa ho forma konfiável, independente, transparente, efisiente no justa. Relasiona, ba ha’u ninia kazu laós úniku. Iha  prosessu judisiák  sistema justisa lakumpre  tuir prinsípiu no regra fundamentál Estadu Direitu ida nian, falla iha ninia funsaun atu servi sidadaun sira, ne’ebé  tenki proteje", nia konsidera.

Emília Pires rekorda momentu Timor-Leste moris, ne’ebé  tinan ne’e kumpre ona tinan 15 dezde restaurasaun independénsia no kontinua enfrenta dezafiu ba tipu hotu iha  ninia dezenvolvimentu.

"Hanesan nasaun joven, Timor-Leste barak orgulhu iha termu kapasidade institusionál no  pozisaun internasionál. Maibé sei iha barak ne’ebé presiza tu konkretiza  futuru ida ho prosperidade, hamutuk ho nasaun sira ne’ebé forte", nia konsidera.

"Servisu ne’ebé sei realiza iha futuru tenki fó atensaun ba konstrusaun instituisaun estatál ne’ebé efikás, garantia protesaun justisa ba ema hotu no defeza ba Estadu Direitu ", nia afirma.

Eis-ministra ne’e rekorda petisaun haat ne’ebé haruka ona ba Taur Matan Ruak durante besik fulan 18 ne’ebé julgamentu la’o  no rejista saida maka  sai  hanesan " violasaun ba lei ne’ebé komete husi instituisaun diferente  ne’ebé  kompostu iha  sistema judisiál Timor-Leste nian".

Emília Pires hatete katak nia sei kontinua luta hodi prova ninia lasala, hodi proteje nia direitu no liberdade" no atu "garante  ba ema seluk labele kontinua sai vítima ba sistema ida ho falla gravé  hanesan ne’e".

SAPO TL ho Lusa
.

Sem comentários:

Publicar um comentário

Nota: só um membro deste blogue pode publicar um comentário.