terça-feira, 24 de janeiro de 2017

Timor-Leste no Austrália hakarak akordu permanente ba fronteira to’o setembru

.

Governu Timor-Leste no Austrália iha komitmentu hala’o serbisu ho "boa-fé" hodi  alkansa akordu permanente ba fronteira marítima entre nasaun rua to’o  setembru 2017, informa hamutuk iha komunikadu.

Intensaun ne’e afirma liuhosi  komunikadu hamutuk ne’ebé fó sai ohin  iha reuniaun konfidensiál entre delegasaun Timor-Leste no Austrália no hetan observasaun hosi Komisaun Konsiliasaun ida  Nasoins Unidas nian, ne’ebé hala’o entre 16 no 20 janeiru iha Singapura.

"Tantu Timor-Leste nomós Austrália konkorda katak  reuniaun sai produtivu no reafirma ninia empeñu iha serbisu ho boa-fé ba akordu ida kona-ba fronteira marítima to’o  finál prosesu konsiliasaun, iha setembru 2017", refere iha nota ne’e.

" Komisaun hakarak tenta ho buat hotu hodi  ajuda parte rua hetan akordu ida ne’ebé bele ekitativu no realizável", afirma komunikadu ne’ebé subskritu moos hosi komisaun konsiliasaun.

Komisaun afirma katak enkontru fulan ne’e hola  parte iha "diálogu permanente no estruturadu iha  kontestu konsiliasaun" entre nasaun rua, sujere hosi Timor-Leste iha ámbitu Konvensaun Nasoins Unidas kona-ba  Direito do Mar no tuir auspísiu Tribunal Permanente Arbitragem.

"Durante  semana ne’e, Komisaun  sei reune ho parte rua atu esplora sira nia pozisaun negosiasaun nian kona-ba fatin ne’ebé  fronteira marítima Tasi  Timor bele define, hodi bele identifika área  possível tuir  diskusaun iha reuniaun sira oin mai", refere deklarasaun hamutuk ne’e.

Hanesan  sinál boa-fé nian iha negosiasaun, Timor-Leste " hakerek ona ba  tribunál arbitrajen rua katak hahú ona ho Austrália bazeia Tratadu Tasi  Timor, ikus mai bele hasai sira ninia alegasaun".

Prosessu arbitrál ne’e suspensu tiha ona no sei hasai  pedidu arbitrajen " etapa ikus pakote integradu ho medida konfiansa ne’ebé asina durante reuniaun ne’ebé sei  mantein iha Singapura.

"Medida ne’ebé tuir iha  prosesu ne’e, Komisaun no parte sira  assegura katak kestaun hosi dispozisaun  tranzitória relativu ba kualkér rejime foun sei inklui iha programa serbisu  ba  konsiliasaun, ikus mai bele garante respeitu ba direitu atuál empreza hirak ne’e", tuir testu hamutuk iha ohin.

Reuniaun sira iha semana ktuk  realizxa hafoin iha loron  09 janeiru Governu timoroan notifika ba Austrália ninia intensaun atu suspende Tratado kona-ba Determinadu Ajuste Marítimu iha Tasi Timor (CMATS  ho ninia sigla iha inglés) ne’ebé  aplika iha  zona  disputa fronteirisa entre nasaun rua.

Iha 10 janeiru, Parlamentu Nasionál timoroan  aprova ho unanimidade, liuhosi  reuniaun oda-matan taka, rezolusaun ne’ebé konfirma suspensaun ba tratadu ne’ebé assina iha 2006 no  vigora fila fali  tratadu bilaterál original, ne’ebé assina iha 20 maiu 2002.

" Governu Austrália simu hanoin ne’e no rekoñese katak Timor-Leste iha direitu atu halo sesasaun ba tratadu ne’e. Tuir mai, Tratadu kona-ba dispozisaun  maritime loloos iha Tasi Timor seidauk  vigora durante fulan tolu konta ho data notifikasaun ne’e sai", refere komunikadu hamutuk  dahuluk  ne’ebé fó sai iha  09 janeiru.

Rekorda katak  Timor-Leste no Austrália partisipa, dezde meadu tinan kotuk no instánsia Díli nian, iha prosesu konsiliasaun tuir  Konvensaun Nasoins  Unidas  kona-ba  Direitu Tasi nian, ne’ebé ho objetivu "rezolve diferensa sira entre  estadu rua kona-ba  fronteira marítima iha Tasi Timor".

Notifikasaun  timoraoan  ba sessasaun CMATS inklui iha pakote medida ne’ebé  Timor-Leste no Austrália aseita, iha ronda  kontaktu ne’ebé hala’o  entre 10 no 13 outubru, "destina atu  fasilita prosesu konsiliasaun no kria kondisaun propísiu ba selebrasaun akordu ida  kona-ba fronteira marítima permanente ia Tasi Timor".

Reuniaun sira  entre nasaun rua sei kontinua durante tinan ida.

SAPO TL ho Lusa
.

Sem comentários:

Publicar um comentário

Nota: só um membro deste blogue pode publicar um comentário.