sexta-feira, 12 de maio de 2017

Lu-Olo tenki rezigna aan hanesan Prezidenti FRETILIN, AGORA!

.

Maubere Tuba Rai Metin

Semana ida tan no ita nia rai doben sei hetan Presidente da Repúblika foun ida, no hau hakarak dezeja felisidades ba ita nia Xefi de Estadu foun no hau hein katak nia sei banati tuir Prezidenti Taur Matan Ruak no nafatin ba vizita povu iha Timor-Leste tomak hodi rona povu nia halerik no nesessidades hodi nune’e bele lori povu kiik nia lia ba Governu.

Hau fiar katak ita nia Prezidenti da Repúblika foun sei kumpri no onra ita nia Lei Inan tanba tuir ita nia Konstituição, Xefi de Estado mak “guardião da Constituição” maibe hau iha preokupasaun boot ida: Bainhira mak Xefi de Estadu eleito ba rezigna nia aan hanesan Presidente partidu FRETILIN nian? Ba rezigna duni ka lae? Bainhira mak ba halo anunsiu publiku no ba dehan ba militantes FRETILIN nian katak ba rezigna aan?

Tuir ita nia Konstituisaun, artigo 78.º dehan:

Artigo 78.º
(Incompatibilidades)
Prezidente da Repúblika labele ezerse kargu politiku ka funsaun publika seluk no labele, iha situasaun naran ida, exerse funsaun privada.
.
.
Prezidente da Repúblika ema ke estuda lei, hau fiar katak nia hatene katak nia sei la viola ita nia Konstituisaun no ba rezigna aan imediatamente.

Ema barak hakilar iha Facebook katak Lu-Olo la presiza sai hosi FRETILIN, ida ne’e loos duni, maibe saida maka la loos maka ezerse kargu ida iha FRETILIN nia laran.

Imi FRETILIN 2000 lalika mai fali interpreta lei tuir imi nia hakarak tanba letra da lei la fo marjen ba duvidas ka interpretasaun seluk, PREZIDENTE DA REPÚBLIKA LU-OLO LA BELE AKUMULA KARGU PREZIDENTE FRETILIN, NE’E VIOLA ITANIA LEI! 

Ita lalika iha matenek boot iha ita nia kakutak hodi komprende tanba sa Lu-Olo tenki rezigna nia aan hosi kargu FRETILIN.

Tuir lei, Prezidente da Repúblika tenki ezerse ho EXCLUSIVIDADE ninia funsaun no iha lei ke prevê inkompatibilidades institusionais sira, artigo 68.º no artigo 78.º hosi ita nia Konstituisaun no liuliu artigo 2.º da Lei nº 7- 2007, de 25 de julho, ne’ebe estabelese Estatuto dos titulares dos orgãos de soberania. Laiha dalan seluk ba Lu-olo, tenki rezigna aan hosi nia kargu iha FRETILIN  hodi kumpre saida ke nia dehan iha tempu kampana katak nia sei sai Prezidente ba Timoroan hotu laos deit Prezidenti CCF nian…
.
Hau husu ba lekirauk sira ke servisu (hahahahaha, servisu ba sira nia aan, klaru) iha Parlamentu Nasional: Deputadu sira,  imi, lekirauk boot duni, beik liu kuda, imi halo rezolusaun bulak tun sae maibe nonok kona ba Prezidenti eleito seidauk rezigna nia aan hosi nia kargu hanesan Prezidente FRETILIN. Loron hira to’o Lu-Olo toma posse? Imi la preokupa ho possibilidade violasaun lei ida ne’e? 

Imi sei hasai rezolusaun hasoru PR foun se nia la rezigna aan  ka imi hotu fahe ona poder no kontente tebes hodi naok no lohi tan povu ida ne’e? Imi ba kontinua joga futebol ho Konstituisaun no halo golooooooooooooooo boot ida tan hasoru ita nia Estadu de Direito Demokratiku? 

Loron ida imi sei halo auto-golo, tanba lekirauk la hatene politika, sira tenki fila ba selva, laos tur iha PN. 

Julho mak povu sei tebe sai imi hotu tanba, “A justiça tarda mas não falha”.
.

Sem comentários:

Publicar um comentário

Nota: só um membro deste blogue pode publicar um comentário.