domingo, 14 de maio de 2017

MARI ALKATIRI HALO ITA MOE TANBA NIA MOE LAIHA

.


Jose Arsenio Fretilino

Sekretariu-Jeral FRETILIN, Mari Alkatiri,  nia komentariu ida iha Facebook halo hau bilang tebes, bilang nomos nervozu no halo hau hanoin katak Alkatiri moe laiha, laiha etika, laiha moral no gabasola boot no laiha respeito ba ita Maun alin rihun ba rihun ke mate durante ita nia funu naruk.

Mari Alkatiri hakerek: 
“Lalika preokupa ho ema sira ne’e. Hau FUNDADOR unico ba FRETILIN, FALINTIL, RDTL, Fundo Minarai, ZEESMS TL, etc. Hau la tama rame2 ba FRETILIN no depois haksoit buka kabide. Hau mos la os hanesa balu durante tempo 24 tempo funu nunka hakarak sai militante FRETILIN. Agora atu uza FRETILIN ba bosok veteranos sira”.
.
.
Oh man! Se liafuan iha leten laos seriu no vergonhozo tebes ita hotu bele hamanasa to’o ita nia kabun moras ka ita bele hanoin katak laos Mari Alkatiri mak koalia, karik whisky maka koalia fali, maibe lae! Alkatiri maka hakerek, hau kompreende hotu, maibe etc. ne’e maka halo konfuzaun oituan iha hau nia ulun, maibe hau nia kaben dehan mai hau katak etc. ne’e refere ba Mari hanesan FUNDADOR PENSAUN VITALISIA! Loos duni, Alkatiri fundador prinsipal laos uniku maibe prinsipal duni ba lei imoral LPV.

Hau la hatene tanba sa  maka Alkatiri tenki gaba nia aan rasik ho lagu lama hau fundador, tinan-tinan nia ho ninia TBO sira la para, HAU, HAU, HAU, HAU, HAU! Porra pá! Demais ona, ita hakarak muta kedas bainhira sira hahu hananu lagu lama ne’e. TBO sira no Alkatiri rasik la moe ka? 

Alkatiri bele  funda saida deit maka Alkatiri funda, Alkatiri bele sai fundador ba saida de’it, maibe tinan 24 Alkatiri hela iha ne’ebe lolos? Hela iha Timor-Leste hodi luta ka nia ba rai liur? Alkatiri maka terus liu ema hotu, Alkatiri nia familia maka mate hodi nia ohin koalia hau, hau, hau - asu maka halo hau, hau, hau, los ka lae?

Alkatiri funda duni, maibe depois ba hela iha rai liur, fila mai maka sai boot, nia maka luta mesak iha rai liur? Se Timor-Leste hein Alkatiri iha rai liur hodi manan funu, ohin loron ita sei funu nafatin, tanba Alkatiri iha rai liur mos gosta halo guerrilha ho ema Fretilin sira seluk, sira sempre funu malu tanba lideransa partidu ida ne’e, Alkatiri iha rai liur mos nia hanoin katak Fretilin ninian, hau haree ho hau nia matan rasik, Alkatiri funu duni iha rai liur, maibe laos hasoru Indonésia, nia halo guerrilha foer  hasoru ninia kamaradas rasik iha FRETILIN nia laran. Moe boot loos.

Alkatiri hamrook ba poder, nia dehan nia laos kabide, laos duni ka? Se maka tabele ba Maun Xanana hodi hetan poder, keta soe rai rahun ba ita povu kiik nia matan, ohin loron FRETILIN 2000 tomak tabele ba Maun Xanana hodi sira hetan poder, tanba povu la fiar ona sira hodi vota ba sira iha eleisaun, Julho karik ita ba haree sira hamout iha tahu laran, tanba ho Lu-Olo iha prezidensia no lei bandu nia halo kampana ba FRETILIN, Mari mesak ho ninia TBO hosi rai liur sira la konsegue hetan povu nia fiar, povu laos beik, povu matenek ona, hatene lolos se maka halo sira terus, se maka naok sira nia osan hodi benefisiu sira nia familia no maluk. 

Mari Alkatiri diak liu NONOK no hapara ona nia vaidade no arogansia katak nia maka fundador, nia maka boot liu ema hotu, tanba Timor-Leste independensia nia folin karun tebes, ita nia maun alin hira maka mate hodi ohin loron ema balun deit goza sira nia ran no ruin? Alkatiri besik povu, nia folin 0x0, FRETILIN 2000 tenki tau iha sira kakutak foer katak POVU TIMOR MAKA FUNDADOR RDTL, NEE MAKA LIA LOOS. Povu la vota iha 1999 Indonesia sei ukun ita, se maka nega ida ne’e TRAIDOR DA PÁTRIA!

Saida tan maka Alkatiri hakarak? Povu hakruk tan ba nia? Maka lae liu, to’o ona hakruk ba ema ke la merese, Alkatiri nia oan, Alkatiri nia familia, belun sira hotu moris diak, Estadu halo hotu ba sira, HOTU, sira hanesan português sira dehan, sira “CHULOS DO SISTEMA”, uma invez de halo, estadu maka foo, kareta, viazen, mediku no sst, ESTADO MAKA SUPORTA MORIS CHULOS SIRA NEE NIA LUXUS. Antaun Sr. “FUNDADOR UNIKU” hakarak tan saida? La to’o saida maka povu fo’o ona ba imi? Hakarak tan sama povu ida ne’e? Tanba sa? 

Problema ho ema balun ke moris iha rai liur no fila mai maka sira la terus hamutuk ho povu, ne’ebe la hatene hadomi, respeito povo no nomos la hatene saida maka povu terus hodi ohin loron balun hatenu lia vergonhosa iha Facebook. Ema sira ne’e laiha moral, laiha etika, laiha domin ba povu ida ne’e, hatene deit maka halo guerrilha no halo ita no sira nia aan rasik moe, moe loos.

Alkatiri laiha respeito ba ita nia martires no herois ke mate hodi ita nia rai doben sai independente, nia halo ita moe tanba nia moe laiha, laiha duni!
.

Sem comentários:

Publicar um comentário

Nota: só um membro deste blogue pode publicar um comentário.