segunda-feira, 5 de junho de 2017

Xanana sei Asume Hikas Kargu PM

.

INDEPENDENTE-  05 Juñu 2017 - Transcrição de José Salvação para o Timor Hau Nian Doben

DILI: Kay Rala Xanana Gusmão iha posibilidade boot atu asume hikas kargu Primeiru Ministru, iha períodu ukun ba tinan 2017-2022.

Atuál Ministru Planeamentu no Investimentu Estratéjiku (MPIE), Xanana Gusmão halo ona konkordánsia ho atual Prezidente Zona Eskluzivu Espesiál Sósiu-Ekonómiku no Merkadu (ZEESM), Mari Alkatiri, iha Portugál, foin lalais ne’e.

Tuir fonte kredivel husi Portugál relata katak, iha vizita Xanana ho Alkatiri nian, iha lansamentu Ró Haksolok, akontese ona reuniaun sekretu entre lider partidu boot rua (CNRT-FRETILIN) hodi halo konkordánsia hamutuk.

Planu ba governasaun foun mai, sei kria governu inkluzaun ne’ebé estrutura ezekutivu nian sei envolve ema potensiadu husi partidu polítiku hotu-hotu, inklui ema profisionál husi li'ur.

Atualmente kargu ne’ebé iha ona serteza mak Primeiru Ministru, sei kaer husi Kay Rala Xanana Gusmão, nune’e Alkatiri sei kontinua nafatin ho projetu ZEESM, tanba iha planu atu halo espansaun.
“Xanana mak ba ona Primeiru Ministru no Alkatiri kaer nafatin ZEESM,” dehan fonte ne’e, ba jornál INDEPENDENTE, foin lalais ne’e.

Ba projetu ZEESM ne’ebé jere husi Mari Alkatiri rasik, iha períodu tinan lima mai sei habelar tan ba Atauru.

Ne’e duni, bainhira entre partidu FRETILIN no CNRT laiha ida mak manan maioria, partidu rua ne’e sei halo koligasaun hodi bele prienxe kadeira maioria iha Uma Fukun Parlamentu Nasionál, hodi bele asegura ba kaer governu.
.

Sem comentários:

Publicar um comentário

Nota: só um membro deste blogue pode publicar um comentário.